Dîwarê Mezin ê Çînê yan Dîwarê Çînê (bi çîniya hêsankirî: 长城; bi çîniya kevneşopî: 長城; bi pinyin: Chángchéng; ango, "bedena dirêj") ji gelek birc û dîwarên sitûr pêk tê yên ku li bakurê Çînê ji bo parastina welatê Çînê hatiye avakirin. Ev dîwar gelek caran di şer de hatiye xirakirin û ji nû ve hatiye avakirin. Navê wê gelek caran hatiye guhertin, lê belê navê wê yê herî naskirî "Dîwarê Mezin ê Çînê" ye û wê ev nav di dema hikumdariya Ming de girtiye. Dirêjiya vê bedenê li gor çavkaniyan tê guhartin. Li gor raporeke ku di sala 1999an de hatiye amade kirin, dirêjiya wê 6.700 km ye.