Doi Inthanon (thailandieraz: ดอยอินทนนท์, dɔ̄ːj ʔīn.tʰā.nōn ahoskatua) Thailandiako mendi garaiena da. Iparralde menditsuan dago. Mae Chaem barrutian dago, Txiang Mai probintzian, Doi Inthanon parke naturalean. Jatorri geologikoa batolitoa da.

Historikoki, lehen Doi Luang Ang Ka izena zuen, euskaraz Beleen Bainuaren Mendi Handia; izen xelebre horren jatorria mendiaren oinean zegoen putzu batetik zetorren, bertan bele asko biltzen baitzen. Gaur egungo izena, Doi Inthanon, Chiang Maiko zazpigarren erregeari eskainita dago, Inthawichayanon erregeari, alegia.