Plaza de España (Sevilla)
( Espainiako Plaza (Sevilla) )Sevillako Espainiako Plaza, Maria Luisa Parkearen barnean dagoen multzo arkitektoniko bat da, eta tokiko arkitekturaren gunerik ikusgarrienetako bat osatzen du.
Espainiako Plaza, 1929ko Sevillako Iberoamerikar Erakusketako proiekturik enblematikoena izan zen, eta Anibal Gonzalez arkitekto sevillarrak proiektatu zuen, erakusketaren arkitekto zuzendaria ere bazena. Laguntzaile talde handi baten laguntza izan zuen, horien artean, Jose Luis de Casso eta Aurelio Gomez Millan arkitektoa zeudelarik. Eraikuntza lanak 1914an hasi ziren, Erakusketako proiekturik anbiziotsuena eta garestiena izan zelarik, bere eraikuntzan, aldi berean mila pertsona lan egiten ere aritu zirelarik. Harrigarria dirudi garai hartan, hain egoera ekonomiko zailean zegoen hiri bat, nola hasi zen tamaina hartako proiektu bat egiten. 1926an, Anibal Gonzalezek bere Erakusketako zuzendari kargutik dimititu ostean, proiektu honen amaieraren ardura, Vicente Traverrek hartzen du, barrutiaren itxidurak amaitu zituena eta plazaren erdian dagoen iturria gehitu zuena.
Gehitu iruzkin berria