Medina Azahara (arabieraz: المدينهُ الزهراء‎, Madinah al-Zahra) Kordobatik (Espainia) zortzi kilometrotara zegoen Erdi Aroko herri musulmana zen. Bere hondakinetan 1910eko hamarkadan lan egiten hasi bazuten ere, egun 112 gune-arkeologikoetatik %10a baino ez da zaharberritu.

Abderraman III.ak 936 eta 940 artean eraiki zuen gotorlekua, bere kalifa-herri berriaren boterearen ikurra izateko. Garai haietako mirari bilakatuta, 1010ean jasandako gerra zibilean berebereek erabat hondatu zuten eta hurrengo milurtekoan kondaira bat besterik ez zen izan.