Monarka tximeletaren biosfera erreserba Mexiko erdialdean dagoen biosfera erreserba da, Michoacán estatuaren ekialdean eta Mexiko Estatuaren mendebaldean kokatua. Erreserba monarka tximeletaren (Danaus plexippus) habitata eta inguru naturala babesteko sortu zen eta 56.000 hektareako eremua hartzen du. Unescok Gizateriaren Ondare izendatu zuen.

2007-2008ko neguan, monarka tximeletaren hamabi kolonia zeuden Mexikon, horietako zortzi erreserban. Horietako lau jendeari irekiak daude:

• Sierra Chincua - Tlalpujahua eta Angangueo herrietatik hurbil (Michoacán).
• La Mesa - San José del Rincón herritik hurbil (Mexikoko Estatua)
• El Capulín - Donato Guerra eta San Juan Xoconusco herrietatik hurbil (Mexikoko Estatua)
• El Rosario - Ocampo herritik hurbil (Michoacán)

Beste zortzi koloniak San José Villa de Allende eta Ixtapan del Oro herrietatik hurbil daude, baina ez dira bisitagai, tximeleta koloniei egin dakieken kaltea dela-eta