Montlluís, izen zaharrez el Vilar d'Ovança -edo Ovansa- (katalanez; frantsesez eta ofizialki: Mont-Louis) Katalan Herrietako udalerri bat da, Cerdanyan kokatua. Administratiboki Frantziako Ekialdeko Pirinioak departamenduan dago, Okzitania eskualdean. 2013an 284 biztanle zituen.

Historikoki Alta Cerdanyako hiriburutzat jotzen bada ere, gaur egun beste udalerri batzuek (Font-romeu, Odelló i Vià, la Guingueta d'Ix eta beste) biztanlerian eta hainbat arlotan erruz gainditzen dute; horrez gain, eskualdearen erdigunetik urrun dago eta bada Cerdanyan barik Conflent eskualdean kokatzen duenik ere.