Natibitatearen eliza Betleemen dagoen eliza da. Eten gabe mezak izan dituen munduko elizarik zaharrena da.

Konstantino I.ak 327an eliza eraikitzeko agindua eman zuen, Jesus Nazaretekoaren ustezko jaiolekuan. Eraikina 339an amaitu zuten baina VI. mendeko Samaritarren matxinadetan su hartu zuen. 565ean bizantziar agintariek jatorrizko eraikina berreraiki zuten.

Egun Eliza ortodoxoak, Armeniako Eliza Apostolikoak eta Erromatar Eliza Katolikoak partekatua da. 2012an UNESCOk Gizateriaren Ondare (arriskuan dauden tokien zerrendan) sailkatu zuen.