Nisa (antzinako grezieraz: Νῖσος eta Νίσα eta Νίσαιον), Parthaunisa ere deitua, antzinako hiri bat da, Turkmenistango Ahalgo probintzian dagoena.

Nisako gotorlekuak UNESCOren Gizateriaren Ondarearen zerrendari gehitu zitzaizkion 2007an. 77,90 hektareako eremu babestua eta 400,3 hektareako errespetuzko eremua hartzen dute.

Autore batzuek, Nisa, partiarren lehen hiriburuetako bat izan zela diote. Tradizionalki, Arsazes I.ak sortu zuen. Errege partiarren nekropolia izan zen, errege egoitza edo mausoleo bat izan zitekeenik sekula ezarri ez duten arren.

Mitridates I.a Partiakoaren garaitik aurrera, Mithradatkirt (partieraz: ???????????????????????????????? edo Mitridatesen Gotorlekua) bezala ezagutu zuten. K.a. I. mendean gertatutako lurrikara batek suntsitu zuen.