Panamerikar errepidea (ingelesez: Pan-American Highway; portugesez: Rodovia / Auto-estrada Pan-americana, gaztelaniaz: Autopista / Carretera / Ruta Panamericana) Amerika zeharkatzen duen errepide-sarea da, guztira 48.000 kilometro dituena. Errekorren Guinness Liburuak kotxez egin dezaketen munduko errepiderik luzeena dela dio baina egun ezin dezakete ibilbidea bete Hegoamerika eta Ertamerika artean 87 kilometroko hutsunea baitago, Dariéngo hutsunea izenekoa. Mendi-ohianak Yaviza (Panama) eta Lomas Aisladas (Kolonbia) arteko bidea eragozten du. Hori zela eta bi zatitan banaturik dago:

• Iparraldeko panamerikar errepidea, bederatzi herrialde zeharkatzen dituena (Kanada, Estatu Batuak, Mexiko, Guatemala, El Salvador, Honduras, Nikaragua, Costa Rica eta Panama)
• Hegoaldeko panamerikar errepidea, bederatzi herrialde zeharkatzen dituena (Surinam, Guyana, Brasil, Venezuela, Kolonbia, Ekuador, Peru, Txile eta Argentina)