Tourmaleteko lepoa (frantsesez: Col du Tourmalet) Frantziako Pirinioen erdialdean dagoen mendiate bat da. 2.114 metrotako garaiera du itsas mailarekiko.

Tourmalet Frantziako Tourreko mendaterik ospetsuenetarikoa da, bera da lasterketa honen historiako ibilbidean gehien ageri den portua. 1910an igo zen lehen aldiz lasterketa honetan, Pirinioak lasterketari batu zitzaizkion urtean hain zuzen ere.

Neguan mendi portu hau itxita egon oi da, eski denboraldia hasten delarik eta La Mongieko eski estazioaren parte bilakatu Tourmaleteko Lepoaren ekialdeko zatian.