Treverisko Terma Inperialak edo Kaiserthermen alemanez, Rheinisches Landes-Museumetik gertu daude, Treveris hirian, Alemanian. IV. mendearen hasieran eraikiak, Konstantino I.a Handia erromatar enperadorearen erregealdian, Erromatar Inperioko hirugarren terma multzo handiena zen. Hormetako eta zimentazioko hondakinek, oraindik jatorrizko diseinua erakusten dute. Caldariumgo harresiak (ur beroko igerilekudun gelak), hoberen kontserbaturik daudenak dira. Ondoren, tepidariuma dator, terma epelak.

Frigidarium zabala, bainu hotzentzako erabiltzen zen, eta palestra ere, ariketentzako kanpo gune bat, zabala zen. Termetako beste funtsezko zatia, hipokausto izeneko berotze sistema zen, non, airea, labeek berotu eta zoladuraren azpitik gidatua zen.