A área protexida Jungfrau-Aletsch (oficialmente Alpes suízos Jungfrau-Aletsch) está situada no suroeste de Suíza entre os cantóns de Berna e Valais. É unha rexión montañosa do lado máis oriental dos Alpes berneses, que contén a parede norte de Jungfrau e Eiger, e a maior área glaciar do oeste de Eurasia, que comprende o glaciar Aletsch. A área protexida Jungfrau-Aletsch é o primeiro Patrimonio Natural da Humanidade dos Alpes; foi inscrito en 2001.