O Forte de Agra é un monumento duns 380.000 metros cadrados, declarado Patrimonio da Humanidade pola UNESCO en 1983. Situado na cidade de Agra, na beira do río Yamuna, a 2,5 quilómetros ó noroeste do Taj Mahal, foi construído polo emperador mogol Akbar entre os anos 1565 e 1573.
Trátase dun complexo palaciano amurallado que encerra no seu interior un conxunto de palacios, edificios señoriais e xardíns, dun xeito semellante á Alhambra de Granada ou á Cidade Prohibida de Pequín, agás pola variedade de estilos arquitectónicos que se poden atopar nel.
Engadir un novo comentario