A Igrexa de madeira de Borgund (en noruegués nynorsk: Borgund stavkyrkje, en noruegués bokmål: Borgund stavkirke) é unha stavkirke que se atopa na vila de Borgund, no concello noruegués de Lærdal do condado de Sogn og Fjordane. Está clasificada como unha igrexa de tres naves e é a stavkirke que mellor se conserva das 28 que se atopan en Noruega. Aínda que pertence á parroquia de Borgund e á diocese de Bjørgvin, xa non se fan servizos relixiosos nela de forma regular e utilízase como museo xestionado pola Asociación de Preservación de Monumentos Antigos de Noruega (Fortidsminneforeningen).