Բելառուսի օպերայի և բալետի ազգային թատրոն (բելառուս․՝ Нацыянальны акадэмічны Вялікі тэатр оперы і балета Рэспублікі Беларусь), Բելառուսի միակ օպերային և ամենամեծ թատրոնը։
Տեղակայված է Մինսկի Երրորդություն արվարձանում։ Տեղացիներն այն անվանում են "Opierny Teatr" (բելառուսերեն) կամ «Օպերայի և բալետի թատրոն»։ Բացվել է 1933 թվականի մայիսի 25-ին, Անտոն Բոնաչիչի ղեկավարած Բելառուսի օպերայի և բալետի դպրոցի հիման վրա։ Անտոն Բոնաչիչը եղել է թատրոնի առաջին ղեկավարը, սակայն մահվան պատճառով կարճ ժամանակահատված է պաշտոնավարել (մահացել է 1933 թվականին)։
Թատրոնի ներկայիս շենքը բացվել է 1939 թվականին։ Շենքը նախագծել է լենինգրադցի բելառուս ճարտարապետ Իոսիֆ Լանգբարդը։ Սակայն նրա նախագծից դետալներ բաց թողնվեցին ֆինանսների պատճառով։ Թատրոնի շենքի ռելիեֆները ստեղծել է Զաիր Ազգուրը։
Ավելացնել նոր մեկնաբանություն