Բուչեջիի Սֆինքս (ռումիներեն՝ Sfinxul din Bucegi), բնական ծագմամբ ժայռ Ռումինիայում՝ Բուչեջիի բնության պարկի տարածքում։ Այն իր անունն ստացել է 1936 թվականին, երբ 8 մետր բարձրություն և 12 մետր լայնություն ունեցող ժայռը ուղիղ անկյան տակ նայելիս նմանեցվել է սֆինքսի արձանին։
Տեղակայված է ծովի մակարդակից 2216 մ բարձրության վրա։ Ունի անսովոր տեսք, ինչը հիշեցնում է հին եգիպտական սֆինքսի քանդակ։ Այդ տեսքը ժայռն ստացել է քամու հետևանքով տեղի ունեցած էրոզիայի արդյունքում, ինչին ենթարկվել է ավազաքարից ու կրաքարից բաղկացած լեռը։ Ժայռի վրա «դեմքի» հայտնվելու երևույթն ունի նաև իր առասպելական բացատրությունը։
Բուչեջիի Սֆինքսը ոչ հեռու տեղակայված Բաբելե ժայռերի հետ միասին ընդգրկված է Ռումինիայի բնության յոթ հրաշալիքների ցանկում։ Բուչեջիի Սֆինքսի եզրագիծն առավել հստակ երևում է նոյեմբերի 21-ին, երբ արևն իջնում է։
Ավելացնել նոր մեկնաբանություն