Հոմոմոնումենտ (հոլ.՝ Homomonument), հուշարձան Ամստերդամի պատմական կենտրոնում, որը կառուցվել է ի հիշատակ գեյերի և լեսբուհիների, որոնք ենթարկվել են ճնշումների և հետապնդումների իրենց սեռական կողմնորոշման պատճառով։ Հուշարձանը ստեղծվել է, որպեսզի աջակցեն և ոգևորեն նույնասեռական տղամարդկանց ու կանանց, ովքեր պայքարում են խտրականության և բռնաճնշումների դեմ։ Հոմոմոնումենտի հեղինակն է հոլանդացի նկարչուհի Քարին Դաանը․ հուշարձանը հանդիսավոր բացվել է 1987 թվականի սեպտեմբերի 5-ին Վեսթերմարքթ (հոլ.՝ Westermarkt) հրապարակում։