Անվան այլ կիրառումների համար տե՛ս՝ Պորտու (այլ կիրառումներ)

Պորտու (պորտ.՝ Porto), քաղաք Պորտուգալիայում։ Բնակչությունը՝ 221 800 մարդ (2008) ։ Նույնանուն շրջանի վարչական կենտրոնն է։ Մեծությամբ երկրորդ քաղաքն է մայրաքաղաք Լիսաբոնից հետո։ Գտնվում է Լիսաբոնից 270 կմ դեպի հյուսիս։ Քաղաքի կենտրոնը ներառված է ՅՈՒՆԵՍԿՕ-ի Համաշխարհային ժառանգության ցանկի մեջ։

2011 թվականի տվյալներով բնակչության թվաքանակը եղել է 240 հազար, իսկ Մեծ Պորտու ագլոմերացիայում ապրող մարդկանց ընդհանուր թիվը՝ ավելի քան 2,1 միլիոն։ Երկրի մայրաքաղաք Լիսաբոնի հետ մեկտեղ՝ Պորտուն ընդգրկված է աշխարհի գլոբալ քաղաքների ցանկում (ըստ GaWC-ի) և համարվում է համաշխարհային տնտեսական համակարգի կարևորագույն օղակ։