Տրուխիլիո (իսպ.՝ Trujillo)քաղաք և համայնք Իսպանիայում՝ Էստրեմադուրա ինքնավարության Կասերես պրովինցիայում, որի կազմի մեջ մտնող շրջաններից (կոմարկաներից) մեկի վարչական կենտրոնն է։ Զբաղեցնում է 655 քառակուսի կիլոմետր տարածք; 2017 թվականի տվյալներով բնակչության թվաքանակը եղել է 9.274: Պրովինցիայի վարչական կենտրոնից՝ Կասերես քաղաքից հեռավորությունը 47 կիլոմետր է։

Տրուխիլիոյի պատմական կենտրոնում պահպանվել են միջնադարի և Վերածննդի դարաշրջանների բազմաթիվ մեծարժեք կառույցներ։ Այդ հանգամանքը, ինչպես նաև հյուրանոցային զարգացած ցանցը (գործում են շուրջ երեք տասնյակ հարմարավետ հյուրանոցներ) նպաստել են, որ քաղաքը դառնա զբոսաշրջային կենտրոն։ Տրուխիլիոն միաժամանակ առևտրի տարածաշրջանային կենտրոն է։

Ամեն տարի մայիսին այստեղ անց է կացվում պանրի ազգային փառատոն։