浴衣 ( Յուկատա )

Յուկատա (ճապ.՝ 浴衣, «հագուստ լոգանքի համար»), ճապոնական ավանդական հագուստ, որը բամբակաթղթով, վուշով կամ կանեփաթելով, առանց աստառի ամառային ամենօրյա կիմոնո է։ Չնայած բառի նշանակությանը, յուկատայի օգտագործումը չի սահմանափակվում միայն լոգանքից հետո կրելու մեջ և բավականին տարածված է Ճապոնիայում ամառային տաք ամիսներին (սկսած հուլիսից)։

Ներկա ժամանակհատվածում յուկատան հիմնականում հագնում են հանգստի ժամանակ, կրում են ինչպես տանը, այնպես էլ դրսում։ Շքեղազարդ, պայծառ յուկատան հաճախ են հագնում փառատոների ժամանակ՝ առանց տարիքային սահմանափակման։ Յուկատան հաճախ կարելի է տեսնել նաև Օնսենում (հիդրոթերմալ աղբյուրներ)։ Յուկատան ներառված է անկողնային սպիտակեղենի ստանդարտ փաթեթներում, ճապոնական հյուրանոցների կենվորների համար (նեմակի)։ Յուկատան հագնում են ինչպես տղամարդիկ, այնպես էլ կանայք։ Ինչպես և մնացած ճապոնական ավանդական հագուստները, յուկատան նույնպես պատրաստված է ուղիղ կարերով և լայն թևերով։ Յուկատայի ստանդարտ անսամբլի մեջ է մտնում նաև բամբակաթղթե ջյուբան (ճապ.՝ 襦袢, ներքնազգեստ), յուկատան, օբին (գոտի), գետան (ոտնաման), ծալվող կամ բացված հովհարը և կինտյակուն (ճապ.՝ 巾着, պայուսակ)։ Կինտյակուն օգտագործում են ինչպես տղամարդիկ, այնպես էլ կանայք։