კელიმუტუ (ინდონ. Taman Nasional Kelimutu) — ეროვნული პარკი ინდონეზიაში, კუნძულ ფლორესზე. შედგება გორაკ-ბორცვიანი და მთიანი რეგიონებისგან. პარკის ტერიტორიაზე მდებარეობს კელიმუტუ, რომელთანაც განთავსებულია სამი ფერადი ტბა, რომლებიც საკმაოდ პოპულარულია ტურისტებში.

პარკში დაცულია საფრთხის ქვეშ მყოფ მცენარეთა ზოგიერთი სახეობა, მათ შორის Anthocephalus cadamba, Canarium spp., Diospyros ferra, Alstonis scholaris, Schleichera oleosa, Casuarina equisetifolia და Anaphalis javanica, ასევე საფრთხის ქვეშ მყოფი ცხოველები.

ამ ტერიტორიაზე ასევე არსებობს დენდრარიუმი — მინიჯუნგლების ბიომრავალფეროვანი ფლორით. დენდრარიუმი შედგება 78 სახის ხემცენარისგან, რომლებიც 36 ოჯახში ერთიანდება.