ფუერტე-დე-სამაიპატა (ესპ. Fuerte de Samaipata) — იუნესკოს მსოფლიო მემკვიდრეობის ძეგლი ბოლივიაში, სანტა-კრუსის დეპარტამენტის ფლორიდის პროვინციაში. იგი მდებარეობს ბოლივიის ანდების აღმოსავლეთ მთისწინეთში და წარმოადგენს პოპულარულ ტურისტულ ობიექტს, როგორც ბოლივიელების, ასევე უცხოელებისათვის.

მეცნიერთა მტკიცებით იგი კოლუმბამდელი რელიგიური ცენტრი უნდა იყოს, რომელიც ააშენა ჩანეს ეთნიკურმა ჯგუფმა.

აქვე მდებარეობს ინკების მიერ, მათი სამხრეთით ექსპანსიის დროს აშენებული ქალაქის ნანგრევები.

ძეგლის არქეოლოგიური მნიშვნელობა საკმაოდ დიდია, რადგან აქ ერთმანეთს შეხვდა ჩანეს, ინკებისა და ესპანელების კულტურები.