ვალდესი (ესპ. Península Valdés) — ნახევარკუნძული არგენტინის ატლანტიკურ სანაპიროზე. ფართობი – 3625 კმ². კუნძულის დიდი ტერიტორია დაუსახლებელია. კუნძულზე რამდენიმე მარილიანი ტბა, რომელთაგანაც უდიდესი მდებარეობს ზღვის დონიდან 40 მეტრით ქვემოთ. ესაა სამხრეთ ამერიკაში ყველაზე დაბალი წერტილი.

1999 წელს ნახევარკუნძული შეიტანეს იუნესკოს მსოფლიო მემკვიდრეობის ძეგლების სიაში, თავისი განუმეორებელი და მდიდარი ფაუნის გამო.

კუნძულის სანაპიროზე მდებარეობს ზღვის ძუძუმწოვრების კოლონიები, როგორიცაა სამხრეთის ზღვის სპილო (Mirounga leonina) და ყურებიანი სელაპი (Otariidae). ნუევოს ყურეში გვხვდება სამხრეთის ვეშაპი (Eubalaena australis).