រុស្ស៊ីអឺរ៉ុប (រុស្ស៊ី៖ Европейская Россия, европейская часть России) គឺជាផ្នែកខាងលិច និងមានប្រជាជនច្រើនបំផុតនៃប្រទេសរុស្ស៊ី។ វាមានទីតាំងភូមិសាស្ត្រនៅទ្វីបអឺរ៉ុប ផ្ទុយពីតំបន់ភាគខាងកើតដែលមានប្រជាជនតិច និងធំជាងរបស់ប្រទេសនេះ ដែលស្ថិតនៅក្នុងទ្វីបអាស៊ី គ្របដណ្តប់តំបន់ភាគខាងជើងទាំងមូលនៃទ្វីបនេះ។ ភ្នំអ៊ុយរ៉ាល់បានបែងចែកប្រទេសរុស្ស៊ីជាពីរផ្នែក ដោយកាត់ផ្តាច់ទ្វីបអឺរ៉ាស៊ី។ រុស្សីអ៊ឺរ៉ុបគ្របដណ្តប់ភាគច្រើននៃអឺរ៉ុបខាងកើត ហើយលាតសន្ធឹងប្រហែល 40% នៃផ្ទៃដីសរុបរបស់អឺរ៉ុប ដែលមានជាង 15% នៃចំនួនប្រជាជនសរុប ដែលធ្វើឱ្យប្រទេសរុស្ស៊ីក្លាយជាប្រទេសធំជាងគេ និងមានប្រជាជនច្រើនជាងគេនៅអឺរ៉ុប។