ប្រទេសស្វីស ដោយមានឈ្មោះជាផ្លូវការថា សហព័ន្ធស្វីស គឺជាប្រទេសមួយស្ថិតនៅចំចំណុចប្រសព្វនៃតំបន់អឺរ៉ុបកណ្ដាល លិច និងត្បូង។ ប្រទេស​នេះ​ជា​សាធារណរដ្ឋ​សហព័ន្ធ​ដែល​មាន​តំបន់​ចំនួន ២៦ ដោយ​មាន​អាជ្ញាធរ​សហព័ន្ធ​មាន​មូលដ្ឋាន​នៅទីក្រុងប៊ែន។ ប្រទេសស្វីសមានព្រំប្រទល់ជាប់ជាមួយប្រទេសអ៊ីតាលីនៅភាគខាងត្បូង បារាំងនៅទិសខាងលិច អាល្លឺម៉ង់នៅទិសខាងជើង និងអូទ្រីសរួមជាមួយលិកតិនស្តាញនៅទិសខាងកើត។ តាមតំបន់ភូមិសាស្ត្រ វាត្រូវបានបែងចែកចេញជា៖ តំបន់ខ្ពង់រាប ភ្នំអាល់ និងភ្នំជូរ៉ា ដែលលាតសន្ធឹងលើផ្ទៃដីសរុប ៤១,២៨៥ គម^២ និងមានក្រឡាផ្ទៃសរុប ៣៩,៩៩៧ គម^២។ ស្វីសមានចំនួនប្រជាជនប្រមាណ ៨.៥ លាននាក់ និងមានទីក្រុង និងមជ្ឈមណ្ឌលសេដ្ឋកិច្ចធំៗជាច្រើនដូចជា ហ្ស៊ូរិច ហ្សឺណែវ និងបាសែល។ល។