Antoni Gaudí i Cornet ( Antoni Gaudí )

Antoni Gaudí i Cornet (z. 25ê hezîranê 1852an - 10ê hezîranê 1926an) mîmarek ketelan ji Spanyayê bû ku wekî pêşengê herî mezin ê modernîzma ketelanî tê zanîn. Karên Gaudí xwedî şêweyek pir kesane ne û stîla wî wek sui generis tê binav kirin. Piraniya xebat û avahiyên wî li Barselona ne, tevî xebata wî ya sereke, dêra Sagrada Família.

Gaudí di hemû jiyana xwe de bi mîmarî, xweza û olê re eleqedar bû. Wî her hûrguliyên afirandinên xwe plan kir û seramîk, xalîçe, karkirên hesinî û yên din xiste nav. Di amadekirina materyalan de wî teknîkên nû jî, wek teknîka trencadís, afirand û bi vî rengî perçeyên seramîk ên wêran bikar anî.

Di bin bandora hunera neogotîk û teknîkên rojhilatî de, Gaudí bû beşek ji tevgera modernista ya ku di dawiya sedsala 19an heya destpêka sedsala 20an de gelek serketî bû. Wî bi karê xwe modernizmê pêşxist û îlhama xwe ji şêwazên organîk û formên xwezayî girt. Gaudí pir kêm planên berfireh ên karên xwe xêz dikir û li şûna wê tercîh dikir ku wan wekî modelên 3D biafirîne.

Karê Gaudí îro gelek populer e û hê jî dibe bingeha lêkolînên mîmaran. Karê wî yê sereke wî Sagrada Familia, ku hê jî nehatiye xilaskirin, monumenta herî ziyaretkirî ya Spanyayê ye. Di navbera salên 1984 û 2005 de, heft karên wî ji hêla UNESCO ve cîhên mîrasa cîhanê hatin ragihandin. Baweriya wî ya katolîk-romayî di jiyana wî de binhegîn bû û bi dîmenên cuda di karên de xuya dibe. Ji ber vê yekê wî navê paşnavê "Mîmarê Xwedê" [6] wergirt û bû sedema tazîza wî.