Бонер (холандски: Bonaire, папименто: Boneiru) е остров во јужниот дел од Карипското Море. Административно, Бонер е јавно тело во рамките на Кралството Холандија, заедно со ненаселениот помал остров Мал Бонер. Заедно со Аруба и Курасао, ги формираат островите наречени ABC.

Со распадот на Холандските Антили на 10 октомври 2010, Аруба, Курасао, Холандија и Свети Мартин станале уставни држави на Кралството Холандија, додека Бонер, Саба и Свети Евстахиј добиле статус на јавни тела, нешто како специјални општини.