Јордан (арапски: الأردنّ‎ al-Urdunn), чие официјално име е Хашемитско Кралство Јордан, е арапска земја која се наоѓа во Југозападна Азија. На север Јордан граничи со Сирија, на североисток со Ирак, на запад со Израел и со Палестинските територии и на југ и исток со Саудиска Арабија. Заедно со Израел го делат Мртвото Море. Поголемиот дел од површината на Јордан отпаѓа на пустинска земја, поточно на Арабиската Пустина. Главен град на Јордан е Аман и се наоѓа во севернозападниот дел од земјата.