Конгресната библиотека (англ. Library of Congress) — национална библиотека на САД. Се наоѓа во Вашингтон и е една од најголемите бибилиотеки во светот, како и најстарата културна институција во САД. Содржи повеќе од 30 милиони книги, на околу 470 јазици, повеќе од 58 милиони ракописи, преку 6.000 стрипови, 500.000 микрофилми,Освен ова, околу 5 милиони мапи и нотни записи. Со библиотеката раководи конгресен библиотекар.

Библиотеката била основана во 1800 година со цел да ги задоволува потребите на Конгресот, чија зграда се поместила во текот на 19 век. Во времето на Британско-американската војна (1812-1815) објектот бил уништен, а по војната Томас Џеферсон продал точно 6.487 книги на библиотеката и таа продолжила да работи во 1815 година.