Њирагонго — еден од најактивните вулкани на светот, е познат по тоа што во кратерот на својот врв има лавино езеро, кое првпат го открил германскиот истражувач Адолф Фон Гоцен во 1894 г. На 10 јануари 1977 година, лавата се пробила низ ѕидовите на кратерот и истекла со брзина од 100 км на час кон градот Гома, усмртувајќи меѓу 50 и 100 луѓе. Езерото повторно почнало да се излева во 1982 година, а во јануари 2002 г., Гома повторно делумно беше поплавена со текови лава.