Статуа на Исус Христос Кралот (полски: Pomnik Chrystusa Króla) е статуа на Исус Христос која се наоѓа во Свибожин, Полска.

Статуата на Христос била завршена на 6 ноември 2010 година, и истата е висока е 33 метри, по еден метар за секоја година од Христовиот живот. Златната круна е висока 2 метри, а заедно со каменот на кој е подигната статуата споменикот достигнува вкупна висина од над 51 метар. Таа тежи 440 тони. Целиот проект бил смислен од страна на еден полски свештеник. Отецот Силвестер Завадски, отец на Римокатоличката црква на идеја за градба на статуата дошол пред пет години, купувајќи ја земјата каде денеска се наоѓа статуата.

Според локалните власти, оваа статуа била највисоката на светот.