Area 51
( ဧရိယာ ၅၁ )ဧရိယာ ၅၁ သည် အမေရိကန်ပြည်ထောင်စု၊ နီဗားဒါးပြည်နယ်တွင် တည်ရှိပြီး အမေရိကန်လေတပ်စခန်း Edwards Air Force Base အခြေစိုက်ရာစခန်းတစ်ခုဖြစ်သည်။ ဗီယက်နမ်စစ်ပွဲကာလတွင် ဧရိယာ ၅၁ ဟုခေါ်ဆိုခဲ့သော်လည်း စီအိုင်အေ၏အဆိုအရ အမည်မှန်မှာ Homey Airport (KXTA) နှင့် Groom Lake ဖြစ်သည်ဟုဆိုသည်။ အခြေစိုက်စခန်း၏ လက်ရှိရည်ရွယ်ချက်ကို လူသိရှင်ကြားမသိရပေ။ ယင်းသည် အမေရိကန်လေတပ်၏ လေ့ကျင့်ရေးကွင်းဖြစ်ပြီး သမိုင်းသက်သေများအရ လက်နက်စနစ်နှင့် စမ်းသပ်အဆင့်လေယာဉ်ပျံများ စမ်းသပ်ရာ စခန်းဖြစ်နိုင်သည်။ တင်းကျပ်သော လျှို့ဝှက်ချက်များကြောင့် စခန်းတွင် UFO များ ရှိနေသည်ဟူသော conspiracy သီအိုရီများလည်း ထွက်ပေါ်လျက်ရှိသည်။ အခြေစိုက်စခန်းသည် လျှို့ဝှက်စခန်းဟု မည်သည့်အချိန်ကမှ မကြေညာခဲ့သော်လည်း ဧရိယာ ၅၁ ရှိ သုတေသနများမှာ အထူးလျှို့ဝှက်ထားသည်။ ဧရိယာ ၅၁ တည်ရှိကြောင်းကို ၂၀၁၃ ခုနှစ် ဇွန်လ ၂၅ တွင် စီအိုင်အေက ပထမဆုံးအကြိမ် လူသိရှင်ကြား ထုတ်ဖော်ခဲ့သည်။
မှတ်ချက်အသစ် ရေးရန်