ကေလ်ဝါ ကစ်ဆီဝါနီသည် အိန္ဒိယသမုဒ္ဒရာ ကျွန်းပေါ်မှ လူ့အဖွဲ့အစည်းတစ်ခု ဖြစ်ပြီး ယနေ့ခေတ် အာဖရိက အရှေ့ပိုင်း တန်ဇေးနီးယားနိုင်ငံ ၏ တောင်ဘက် ကမ်းရိုးတန်းတွင် တည်ရှိသည်။ ထိုနေရာသည် အလယ်ခေတ် ဆူလ်တန် ဘုရင်တစ်ပါး ဖြစ်သော ကေလ်ဝါ ဆူလ်တန် အုပ်ချုပ်ရာ ဒေသ ဖြစ်ပြီး ၁၃ ရာစုမှ ၁၅ ရာစု အတွင်း ဆူလ်တန် ဘုန်းမီးနေလ တောက်ပခဲ့စဉ်က ဆွာဟီလီ ကမ်းရိုးတန်း တစ်လျှောက်ကို ဩဇာအာဏာ သက်ရောက်ခဲ့သည်။ ကေလ်ဝါ ကစ်ဆီဝါနီအား အနီးအနားရှိ မြို့တစ်မြို့ ဖြစ်သော ဆွန်ဂို အွန်အားရာ နှင့် အတူ ယူနက်စကိုမှ ကမ္ဘာ့အမွေအနှစ်နေရာ အဖြစ် သတ်မှတ်ခဲ့သည်။