လန့်ဖော်ဆန် သည် နော်ဝေနိုင်ငံ၊ Vestland စီရင်စု၊ Etne Municipality တွင် တည်ရှိသည့် ရေတံခွန်တစ်ခု ဖြစ်သည်။ Fjæra ရွာ၏ အနောက်တောင်ဘက် ၅ ကီလိုမီတာ (၃.၁ မိုင်) အကွာတွင် တည်ရှိသည်။ ရေတံခွန်သည် တောင်တစ်ခုမှ စီဆင်းလာသည်။ တောင်ခြေရှိ Åkrafjorden သို့ မတိုင်ခင်အထိ ရေတံခွန်၏ စုစုပေါင်းအရှည်သည် ၆၁၂ မီတာ (၂၀၀၈ ပေ) ရှိသည်။ European route E134 အမြန်လမ်းမသည် တောင်ခြေမှ ဖောက်လုပ်ထားသည်။

ဤရေတံခွန်ကို World Waterfall Database က ကမ္ဘာ့အကောင်းဆုံးရေတံခွန်တစ်ခုအဖြစ် ဖော်ပြခဲ့သည်။ ၂၀၁၁ ခုနှစ် မတ်လတွင် CNN/Budget Travel က လန့်ဖော်ဆန်ကို ကမ္ဘာ့အလှဆုံးရေတံခွန် ၁၀ ခုတွင် ဖော်ပြခဲ့သည်။ နော်ဝေနိုင်ငံရှိ ရေအားလျှပ်စစ်ထုတ်လုပ်ခြင်း မရှိသေးသည့် ရေတံခွန်အနည်းငယ်ထဲမှ တစ်ခုဖြစ်သည့်အတွက် ယခုအခါ သဘာဝအခြေအနေအတိုင်းပင် ရှိသေးသည်။