ဖုန့်ဟွမ်ခရိုင် (တရုတ်: 凤凰县; ပင်ယင်: Fènghuáng Xiàn)သည် တရုတ်ပြည်သူ့သမ္မတနိုင်ငံ၊ ဟူနန်ပြညနယ်၊ မြောင်နှင့်ထူကျားလူမျိုးများ၏ ရှန်းရှီးကိုယ်ပိုင်အုပ်ချုပ်ခွင့်ရဒေသတွင်တည်ရှိသည်။ လူမျိုးစု၏ဘာသာစကား၊ ဓလေ့ထုံးတမ်း၊ အနုပညာများနှင့် မင်ခေတ်နှင့်ချင်ခေတ်ရှေးဟောင်းဗိသုကာလက်ရာများကို ကောင်းစွာထိန်းသိမ်းထားသည့်ဒေသလည်းဖြစ်သည်။ မြို့ကိုတောင်တန်းဒေသတွင်တည်ထားပြီးမြို့လယ်တွင် ချောင်းတစ်ခုစီးဆင်းနေသည်။ . မြို့လူဦးရေ၏ထက်ဝက်သည် မြောင်နှင့်ထူကျားလူနည်းစုတိုင်းရင်းသားများဖြစ်ကြသည်။ ၁၈၅၄ မြောင်ပုန်ကန်မှု၏ဗဟိုချက်မဖြစ်ခဲ့ပြီးမြောင်လူမျိုးများစွာအရှေ့တောင်အာရှဒေသသို့ပြောင်းရွှေ့သွားခဲ့ရသည်။ မြောင် ရိုးရာနှင့်ဈာပနပွဲတော်များတွင် ဤမြို့မှာအရေးပါပြီး ဟန်တရုတ်လူမျိုးများအား မြောင်တို့၏ တိုက်ခိုက်မှုမှ ကာကွယ်ပေးရန် မင် မင်းဆက်က ခံတပ်ဆောက်လုပ်ပေးခဲ့သည့် တောင်ပိုင်း တရုတ်မဟာတံတိုင်း တရုတ်: 中国南方长城; ပင်ယင်: Zhōngguó Nánfāng Chángchéng; Miao: "Suav Tuam Choj") ရှိရာ နေရာလည်းဖြစ်သည်။