珍珠奶茶 ( ပုလဲနို့ရည် )

ပုလဲနို့လက်ဖက်ရည် (တရုတ်: 珍珠奶茶) ဆိုသည်မှာ ထိုင်ဝမ်တွင် လူကြိုက်များသည့် လက်ဖက်ရည်အအေးတွင် ပုလဲသီးထည့်ထားသော ဖျော်ရည်တစ်မျိုးဖြစ်သည်။ ထိုင်ဝမ်အား ကိုယ်စားပြုသည့် သောက်သုံးဖွယ်ရာဟုပင် ပြောစမှတ်ပြုလာကြသည်။ လွန်ခဲ့သည့် ၁၀ နှစ်အတွင်း ပုလဲနို့ရည်သည် ထိုင်ဝမ်မှသည် ဟောင်ကောင်၊ တရုတ်၊ အရှေ့တောင်အာရှ၊ ဂျပန်၊ အမေရိကန်ပြည်ထောင်စု စသည့်ဒေသများအထိ ပျံ့နှံ့ကာ လူကြိုက်များလာပြီး များသောအားဖြင့် ထိုင်ဝမ်သားများ ဖွင့်လှစ်ရောင်းချသည်။