Hipodromi i Kostandinopojës (Turqisht: Hipodrom ose Sultanahmet Meydanı, Greqisht: Ἱππόδρομος τῆς Κωνσταντινουπόλεως, Hippódromos tēs Kōnstantinoupóleōs, Latinisht: Circus Maximus Constantinopolitanus) ishte një cirk që ishte qendra sportive dhe shoqërore e Kostandinopojës, kryeqyteti i Perandorisë Bizantine. Sot është një shesh me emrin Sheshi Sulltanahmet (Sultanahmet Meydanı) në qytetin turk të Stambollit, me disa fragmente të strukturës origjinale të mbijetuar. Këtu është xhamia e Sulltan Ahmetit.

Fjala hipodrom vjen nga hippos (ἵππος), kali dhe dromos (δρόμος), shteg ose rrugë. Për këtë arsye, nganjëherë në turqisht quhet edhe Atmeydanı ("Sheshi i Kalit"). Gara me kuaj dhe gara me qerre ishin argëtime të njohura në botën e lashtë dhe hipodromat ishin tipare të përbashkëta të qyteteve greke në epokën helenistike, romake dhe bizantine.