Pallati i Dioklecianit është një pallat i lashtë i Perandorit Dioklecian në qytetin kroat Split. Kete pallat e ngriti Perandori Romak me prejardhje ilire Diokleciani, dhe në të ai ka jetuar pas pensionimit nga froni, nga viti 305 e deri në vdekje ne vitin 316.

Ai është ndërtuar në Gjirin e Gadishullit, 5 km në jugperëndim të Salonës, kryeqyteti i provincës së Dalmacisë. Mbetjet e Pallatit sot janë pjesë e qendrës historike të qytetit Split, të cilat gjithashtu janë regjistruar nga UNESCO në listën e Trashëgimisë Botërore në Europë qysh në vitin 1979.