Neapol (qəd.yun. Νέα Πόλις — "yeni şəhər"; ital. Napoli) — böyüklüyünə görə Roma və Milandan sonra İtaliyanın 3-cü, cənubi İtaliyanın isə ən böyük şəhəri. Kampaniya (İtaliya) əyalətinin paytaxtı. Şəhərin əhalisi 1 milyon nəfər, şəhərətrafı bölgələrlə birlikdə 3 milyon nəfərdir. Neapol məşhur Vezuvi vulkanının yaxınlığında yerləşir. Şəhərin beynəlxalq aeroportu və böyük dəniz limanı vardır. Neapol öz zəngin tarixi, mədəniyyəti və mətbəxi ilə məşhurdur.

Əsası e.ə. VIII əsrdə yunanlar tərəfindən qoyulmuşdur. Şəhərin qoruyucusu Müqəddəs Yanuari (ital. San Gennaro) hesab olunur. 19 sentyabr şəhər günü kimi qeyd edilir. Neapol və Bakı qardaşlaşmış şəhərlərdir. E.ə. VI–IV əsrlərdə Qərbi Avropada yaranmış İskit dövlətinin paytaxtı olub.