Niraqonqo — Konqo Demokratik Respublikasında vulkan. Dünyanın ən təhlükəli 8 vulkanından biridir.

Afrika qitəsinin möcüzələrindən biri hesab olunan Niraqonqo vulkanı dəniz səviyyəsindən 3470 metr hündürlükdə yerləşir. Vulkanın lava gölü 400 metr dərinlikdə yerləşir. Orada 8 milyon kubmetr lavanın olduğu ehtimal edilir. Lava axınının sürəti saatda 40 km-dir. 1977 və 2002-ci illərdə püskürən vulkan yaxınlıqdakı Qoma şəhərinin böyük hissəsini məhv etmişdir.