Pokxara — Nepalın mərkəzində Qandaki Əyalətinin paytaxtı olaraq xidmət verən bir aqlomerasiya şəhəridir . 2021-də 101.669 ailədə yaşayan 518.452 əhali ilə Katmandudan sonra Nepalın ən böyük ikinci şəhəridir. Ərazi baxımından ölkənin ən böyük aqlomerasiya şəhəridir. Şəhər eyni zamanda Kaski rayonunun mərkəzidir. Pokxara paytaxt Katmandunun 200 kilometr (120 mil) qərbində yerləşir. Şəhər, Pheva Gölü sahilindədir və təxminən 822m yüksəklikdədir. Dünyanın ən yüksək on zirvəsindən üçünün (Dhaulagiri, Annapurna I və Manaslu) olduğu Annapurna Sıradağları, vadinin 15–35 mil (24–56 km) yaxınındadır.
Pokxara Çin və Hindistan arasındakı önəmli bir qədim ticarət yolu üzərində yerləşir . 17-ci əsrdə , Şah sülaləsinin bir qolu tərəfindən idarə olunan Çaubisi rajyadan Nepalın 24 Krallığından[1] biri olan Kaski Krallığının bir parçasıydı . Pokxara çevrəsindəki təpələrin çoxu, o zamandan qalma orta əsr qalıntılarına sahipdir. 1786-da Prithvi Narayan Şah , Pokxayanı krallığına qatdı. O zamana qədər Katmandudan Jumlaya və Hindistandan Tibetə gedən yollar üzərində önemli bir ticarət yeri halına gəldi.
↑ https://www.researchgate.net/publication/251237948/ Nepal tarixi
Add new comment