Bazar Handia (turkieraz Kapalıçarşı, "Bazar estalia"), munduko bazar edo azoka handienetakoa eta zaharrenetakoa bat da, Istanbulen dagoena. Estalitako 58 kale baino gehiago ditu, 1.200 dendatik gora eta egunean zehar 250.000 eta 400.000 arteko erosle erakartzen ditu.
1461ean irekia, merkatu estali hau ezaguna da bertan dauden bitxi, zeramika, espezia eta tapiz dendengatik. Hauek salgaika antolatuta daude, batez ere larru eta urregintza dendak. Bazarrak bi bedesten ditu (harrizko kupuladun egiturak, salgaiak bildu eta babesteko), horietan lehena 1455 eta 1461 artean eraikia Mehmed II.a sultanaren aginduz. Bazarra XVI. mendean hedatu zen gehien bat, Suleiman I.aren agintaldian, eta 1894an sakonki zaharberritu zen, lurrikara baten kaltean konpontzeko.
Gehitu iruzkin berria