Bertan 1961eko apirilaren 17an lehorreratu ziren Fidel Castro bere postutik kendu nahi zuten hainbat erbesteratu kubatar antikastrista eta Estatu Batuetako CIAko kideak.

Ekintza edo inbasio ahalegin hau Estatu Batuetako gobernuaren laguntzarekin burutu zen (bai militarki, ekonomikoki zein entrenatzaile moduan) baina porrot egin zuen. Nahiz eta lehorreratu zuten lehenak estatu batuarrak izan, Estatu Batuetako gobernuak denbora luzez ukatu zuen hau, eta erbesteratu kubatarrei leporatu zien ardura guztia.

Gertaera honen ostean Kubak Sobietar Batasunarekin zituen loturak estutu egin zituen eta 1963an uhartean sobietar misilak ipintzea onartu zuen. Horrek Gerra Hotzeko krisirik larrienetakoa sortu zuen.