Mesopotamia (Argentina)
Context of Mesopotamia (Argentina)
Mesopotamia (antzinako grezieratik meso:erdian eta potamós:ibaia) Misiones, Corrientes eta Entre Ríosko probintziak hartzen dituen Argentinako eskualde geografikoa da. Iparraldean Iguazu ibaiarekin du muga, mendebalde eta hegoaldean Paranárekin eta ekialdean Uruguai ibaiarekin.
Nekazaritza eta abeltzaintza dira ekonomiaren oinarriak. Besteak beste, artoa, arroza, babarrunak, mandioka, zitrikoak, kotoi-landarea, azukre kanabera, tabakoa eta, bereziki, tea matea egiten dira. Abelazkuntzan behi, zaldi eta txerri aziendan dira aipagarrienak. Industria garrantzitsuenak zurgintza eta Misionesko siderurgia dira. Zentral hidroelektriko handiak daude. Turismo-gune nagusiak Iguazuko ur-jauziak, San Ignacioko misioaren hondakinak eta El Palmar parke nazionala dira.