Rohingyak (rohingyeraz: Ruáingga ɹuájŋɡa ahoskatua, ရိုဟင်ဂျာ rui hang gya ɹòhɪ̀ɴɡjà ahoskatua, bengaleraz: রোহিঙ্গা Rohingga ɹohiŋɡa ahoskatua) estaturik gabeko indo-ariar talde etniko bat da, Myanmarreko Rakhine estatuan bizi zena.

Rakhinetarrak eta rohingyak elkarrekin bizi izan dira Myanmarko lurretan. Baina etnia arteko gatazka isila erlijio gatazka ere bihurtu zelarik, rohingyei inork ez zien naziotasun osoa aitortzen, eta Myanmarko Gobernuak kanporatu egin nahi zituen. Nazio Batuen Erakundearen arabera, «munduan gehien jazarritako» etnia da. Hori zela eta, Bangladeshek ia 900.000 errefuxiatu hartu ditu, krisi humanitario larria eraginez.