Al-Masjid al-Nabawī (arabieraz: المسجد النبوي ; ʔælˈmæsdʒɪd ænnæbæwiː ahoskatua, "Profetaren meskita") edo Profetaren meskita Medinako meskita da, Mahomak berak eraikia. Musulmanentzat Islamaren bigarren lekurik sakratuena da (lehendabizikoa Mekako Masjid al-Haram izanik). al-Walid I.a omeiatar kalifaren zaharberritzearen ondoren, egun Mahomaren hilobia du bere barnean. Egun Bi Meskita Sakratuen Jagoleen poterepean dago, bere buruarentzat Saudi Arabiako erregeeek aldarrikatzen duten titulua hain zuzen ere.

Mahomaren hilobia Kupula Berdearen barruan dago, jadanik XII. mendean eraikita zegoena. Abu Bakr edo Umar bezalako agintari musulmanak ere meskitaren inguruan lurperatuta daude.

Jatorrian Mahomaren etxea zen baina hejira eta gero bertan meskita bat eratzea erabaki zuen.