Sensō-ji (japonieraz: 金龍山浅草寺, Kinryū-zan Sensō-ji) Tokioko tenplorik ezagunena da, hiriaren iparraldean dagoen Taitō auzoan dagoen VII mendeko tenplo budista hain zuzen ere.
Kannon bodhisattvaren omenezko tenploa da. Kondairaren arabera bi arrantzalek Kannon-en estatua Sumida ibaiaren ertzean aurkitu zuten 628an eta Asakusa herrixkan tenplo bat egitea erabaki zuten. Komunitate erlijiosoa 628an bertan sortu zen eta tenploa 645 inguruan eraiki zen.
XVII mendean Tokugawa Ieyasuk Tokugawa leinuaren tenplo babestaile izendatu zuen Sensō-ji, eta lur ugari eman zizkion. 1657an Yoshiwara auzoa sortu zen inguruan eta tenploa jendez bete zen.
1923ko lurrikarari aurre egin zion baina ez Bigarren Mundu Gerrako bonbaketei. Oraindik Edo Aroko egitura mantentzen du hala ere.
Gehitu iruzkin berria