A Columna de Traxano é un monumento romano ergueito polo arquitecto Apolodoro de Damasco por orde do Senado. Está localizada en Roma, no Foro de Traxano, preto do Quirinal, ao norte do Foro romano.

Completada en 113, esta columna exenta é famosa polos seus baixorrelevos en espiral, que cobren todo o fuste, e que conmemoran a vitoria do emperador Traxano nas guerras da Dacia (Romanía actual).