Չեխիայի Հանրապետության Ազգային գրադարան, Չեխիայի կենտրոնական գրադարան։ Ենթարկվում է Չեխիայի Մշակույթի նախարարությանը։ Գլխավոր մասնաշենքը գտնվում է պատմական Կլեմենտիումի շենքում՝ Պրահայում, որտեղ պահպանվում է նրա ամբողջ հավաքածուի կեսը։ Հավաքածուի մյուս մասը պահվում է Գոստիվարժ շրջանում։ Ազգային գրադարանը հանդիսանում է Չեխիայի ամենամեծ գրադարանը։ Նրա ֆոնդերում հաշվարկվում է շուրջ 7 միլիոն օրինակ:, այդ թվում 4200 ինկունաբուլա։ Գրանցված ընթերցողների թիվը հասնում է 60000-ի։ Բացի չեխական տեքստերից, այստեղ պահվում են նաև գրքեր Թուրքիայից, Իրանից, Հնդկաստանից։ Գրադարանում պահվում են նաև Պրահայի Կարլով համալսարանի գրքերը։ Գրադարանը միջազգային ճանաչում ստացավ 2005 թվականին՝ ՅՈՒՆԵՍԿՕ-ի Աշխարհի հիշողություն ծրագրով հին տեքստերի թվային թարգմանությունների համար ստանալով Jikji Prize առաջին կարգի մրցանակ։ Նախագիծը, որը սկսվել էր 1992 թվականին առաջին 13 տարում իրականացրեց 1700 փաստաթղթի թվայնացում։
Ավելացնել նոր մեկնաբանություն