Անվան այլ կիրառումների համար տե՛ս՝ Ֆլանդրիա (այլ կիրառումներ)

Ֆլանդրիա (հոլ.՝ Vlaanderen - ցածրադիր ճահիճ, ֆր.՝ Flandre), պատմական մարզ Արևմտյան Եվրոպայում։ Հիմնական մասը գտնվում է Բելգիայի, մի մասը՝ Ֆրանսիայի, մյուսը՝ Նիդերլանդների կազմում։

9-րդ դարի երկրորդ կեսերից գտնվել է Ֆրանսիայից կախման մեջ։ 12-15-րդ դարերում հանդիսացել է Եվրոպայի տնտեսապես առավել զարգացած տարածաշրջաններից մեկը։ Ֆլանդրիայի նշանավոր քաղաքներից են եղել, Գենտը, Իպրը և Բրյուգեն։

14-րդ դարի սկզբին նվաճվել է Ֆրանսիայի կողմից։ 1384 թ. մտել է Բուրգունդյան հերցոգների տարածքի, 1477 թ.՝Հաբսբուրգների, իսկ 1556 թ.՝ իսպանական թագավորության կազմի մեջ։